Ansètr lav vésèl.

Lansètr le lave vésèl.

Konm zot i wa bann granmoun lontan la biyn kontribyé o dévlopman, po la modèrnité.

Sa so masine si foto akoté , bann madam té ansèv po zot lav vésèl. a biyn rogardé lé kaziman inn dé promyé sof-o.

Dann lo trou anlèr ( cheminé) banna té mèt sarbon é tout otour lo séminé navé in serpantin an kwiv po résof dolo té lintèryèr, é minm in soupap se sékirité.

L' ancêtre du lave vaisselle ou premier chauffe eau, au charbon

CD ROM en cours de finalisation.

Georges Soubou

Bandèz

Objet lontan ile de la Réunion.

Biensouvan nou oubli inpé lo patrimoine rénioné, la manyèr viv ké navé nout bann zansyin. E sirtout koman zot té i viv dann tan lontan.

La mi va parl azot du Bandez, .sa té anservi par bann madame, po lave la figir, epila ( mi donn azot dan lord) fé zot toilet intime, lave le pié avan lalé dormir.

Inkièt pa zot té osi ansèrvi dann la zourné. So bandèz la lé in nafèr kan domoun i koz desi sé plito po rabésé in moun (kozman i fé mal) Gramoune i dizé et i di souvan : Konm travay li lé lévèr bandèz, ou alor i di la pr travay lékol li sra lévèr bandèz. Lo lévèr bandèz sé in moune lé la po nétoiyé sak lo patron(e) kan li la fini lav a ali, ou alor sé in moune i travay kaz an kaz. Konm i di, é mi di osi toute métié i nouri son mètr, é napwin de so métié.
dann tan lontan isi dann nout péi é ansèrv so linstriman la, an fèytol. Fodir osi ké koméla sanm lo plastik, na domoun i i ansèrv touzour mé i itiliz pi lo mo BANDEZ.

Georges Soubou

EREUNION

Adsl isi Larényon

Antouléka konm sèrtin i di lo kabl SAFE, i komans èt fatigé, na trop domoune desi sak i vé gingy larzan san dépansé, é osi bann nouvo i vé rantr dann lo sistinm Isi Larényon konm mwin la touzour di, nou lé bézé trop zafèr lé fé po fé kok nout gèl, lé dir po rouv lozyé, é sa byinsir bann sak lé o pouvoir i asèv: sé zot i asté, sé zot i vann, sé zot i songy anou kan lé malad, po byin dir dann lafèr, konmsé zot i anpoizone, konm sé zot na lo médikaman....

Ou bli pa kan isi ou angaz aou po in nafèr, trakas pa sé po in lané é sa i ronouvèl san ké ou apèrswa. si ou vé arété ou si ou na in problinm krwa amwin zot lé de mès sanm la bank é sanm lo bann makro i va avèk.

Test out koneksyon sur EREUNION.

Soubou Georges

Les reportages de Kréoler.

Koman ilé?

Cette semaine encore un reportage sur la musique réunionnaise, comme invité Ruben du groupe Mémo Kreol, disponible sur la chaine kreolertv, Youtube.

Lané la komans asé byin, la nou komans a propoz azot inndé ti roportaz, po lo koté visuel nou lé si Youtube , é po lo koté difizyon si la FM artrouv Georges si Sky Réunion tous les samdi matin antr 8heures et11 heures et in merkrédi 1 fwa par mwa antr 8 èr é 11 èr, po lo koté kiltirèl nout péi.

Ansanm Georges nou tyinbo nou larg pa.

Georges Soubou.

Sky Réunion

Interview de René Paul Elélliara.

Kréoler la fé in kozé si Sky Réunion, po la promosyon son dernyé lalbom . Pour ce premier ITV les extraits de l' émission sont sur la chaine Youtube KREOLER TV.

Lé sir par la swit na mèt dot zafèr.

Georges Soubou

Partenaires politiques ??? Dalonaz, politikaz!!

Politique à la Réunion? politikèr zouèr ti kaz!??

La politik dann péi la lé tré intérésan, par rapor bann péy zéropéin é minm dot nasyon, isi sépa si fo krwa ankor kan banna i koz?

Nou romark ké na in promyé tour é in dézyinm lé normal ziska la! Lo bann konba zonm èk fanm ifé la politik lé o minm domi dézané, giny la plas giny larzan, é anvoy zot bann zéléktèr syé. Mé dann tout péi sakinn, sak parti i sobat po son parti. Isi eské na ankor parti politik, pars dopilèr, na in takon i koné pa kan zot K... lé plin, in kou lé a drwat in kou lé a gos é in not kou lé o milyé. Isi i koné riynk fé kamarad dot parti, ét donn la voi a zot ladvèrsèr.

Kan nou wa dann sèrtin rényon i fé la i kraz, i trèt tout sort kalité lo non, mé aprè lo né lé bouré (dann K) ansanm, sé a krwa ké zot la swaf pouwar, giny larzan é anvoy bann domoun syé.

La politik isi lé konm Kanal sanm Parabol, banna i rodifiz aou zot program konm an boukl, prann aou po in kouyon. Si ou la krévé so sora out bann zanfan wa prann la rolèv. Mé malérèzman koméla po zot lé difisil donn tol sanm siman ou taz la gèl, sanm bouraz lo krane. Epila nout bann marmay i lèv lé pa kouyon.... Tro kozé la pa bon la swit apré...

Georges Soubou

Anthurium flowers, anthuriums fleurs.

Clonage de fleurs!

Inn ti paz po zot louké in lantropriz i fé bann klone sanm anthurium. A regarder la page d' anthuriums clonés page dans l' annuaire de EREUNION. Koonm zot i wa na osi bann zantropriz lé kapab, é na in sawar fèr. Mi invit azot de louk in zyé. Clonages de plusieurs variétés site réservé aux professionnels. Nou invit azot biyn sir a vizit nout bann rézo si lo web. Dernyé sit an kour GEORGES FORMATIONS.

Georges Soubou.

Kozman vérité.

Kozman vérité!!!

Kan in moun i di in kozman vérité, normalman sé po dir sak lé vré! Kozman vérité i sort dann labous bann marmay, bann ti baba, mé rarman dann la bous granmoun. Pokosa? Sa sa la touzour été, afors tro ramas mantèr, sèrtin zadilt na pi zot krédibilité, opré sèrtin moun. Kosa i fé ké plisouvandéfwa, domoun i krwa pi?

Nout koko laté sitèlman basiné sanm nafèr mantèr, lé normal napi konfyans, kiswa bann zantroptriz, bann boug politik dann gouvèrnman, i taz touzour la gèl domoun, zot lé mantèr sé po sa osi domoun i dout é i krwa pa. Ramas mantèr domoun sé in lar, domoun si sava gran lékol po konèt ramas lo bon mantèr. Taz in maksimome, avan té pas la min dann la tèt bann marmay po kouyonn domoun, koméla bann spésyalist i travay dési lo koman fé po totosé.

Kozman vérité sa lé dir po ankésé di in moun son kat vérité lé sir wa fémal alé, mé kon la plipar lotan la pwin la ont kosa ou vé fé.

Georges Soubou.

Lang kréol rénioné!

Lang rénioné la!

Lang rénioné la lé konm lo Maloya, avan té intèrdi koméla lé rokoni, konm in litilité. Mé na ankor domoun lé kont so nafèr la pokosa? Si nou gard byin sé bann moun i tiliz plisouvandéfwa la lang sanm lamizik po zot profi, politik sinon po fé rant larzan, kan i raport azot, i bouz pa. Mé lo problinm sé ké si zot té ékri azot fason la pétèt té noré té dakor, mé wala! zot bann ti kamarad la pas dovan zot la prann lo nafèr po zot. Astèr i batay po in K ou in C, bon! mwin mi lès azot dann zot caca, é mi tiliz mon K. Sak la pa kontan oubli pa ké na dot sit kolonyalis i itiliz dot maynèr ékri. Nout lang sé po lisntan in lang na pwin vréman in grafi, asé pousé, po linstan lé plito fonolozik. anfin na domoun i travay si in not manèyr ékri, mi pé ankouraz azot.

Ofèt ousa ilé bann média i zafèr po la lang rénioné? Antouléka nana konm i di lo bann zingl mé bann zaksyon mwin pokor vi.


In verb i dévré fé son laparisyon biynto lo vèrb pousbouton. Mi pousbouton, li pous bouton, li wa pousbouton. Sa sé in nafèr in boug ra rakont a mwin son travay posa nou wa koz prosinnman si so pozé bouton!

Georges Soubou.