Bilimbi Le bilimbi [ Averrhoa bilimbi ]

Bilimbi, bilinbi,

Lé konsidéré konm in léginm isi dann nout péi. Lo rénioné li minm i fé pa tro in kont sanm sa, é lé pa, mi diré prèské pa ansèrvi dann la kwizne rénioné. Pli souvan ranplasé par lo tamarin ké lé lézèrman mwin èg ké li

Antouléka nout bann dalon la zone oséan in diyn i ansèrv sa bonpé. Magré tou na ankor inndé pyé dann la kour domoun, ousa bann limèb pokor pousé.

SOUBOU GEORGES.

Ansètr lav vésèl.

Lansètr le lave vésèl.

Konm zot i wa bann granmoun lontan la biyn kontribyé o dévlopman, po la modèrnité.

Sa so masine si foto akoté , bann madam té ansèv po zot lav vésèl. a biyn rogardé lé kaziman inn dé promyé sof-o.

Dann lo trou anlèr ( cheminé) banna té mèt sarbon é tout otour lo séminé navé in serpantin an kwiv po résof dolo té lintèryèr, é minm in soupap se sékirité.

L' ancêtre du lave vaisselle ou premier chauffe eau, au charbon

CD ROM en cours de finalisation.

Georges Soubou

Landormi. caméléon.

Kamaléon, Landormi caméléon?

Zimaz po louké, landormi, so léspès ké lé protézé dann Larényon, la i paré ké sak lé oranz sé lo fémèl é lo vèr sé lo mal, la ankor fo vérifyé. Sa sé bann zafèr lé zoli a rogardé, mé pa po mèt an kaz.

Georges Soubou.

Dimitile la Réunion.

DIMITILE LARENYON.

Arla inn ti vidéo, té filmé dann léo Lantr-Dé, laba koté Dimitile. Sak lané na in takon zafèr i spass lalo laba. Trans Dimitile ou sinon sa dotr manifèstasyon po lo spor. Antouléka sé in landrwa lé gayar po vizité, sirtou an été. Sé in landrwa in takon domoun sat lé pa abitiyé i pèrd lèr, é i pèrd osi somin.

Fo biyn dir sé in foré, si zot na lokazyon alé, po sa fo èt an bon kondisyon fizik, é pa oubliyé, an ivèr i kay é la nwit i tonm bonèr. Po bann zanèkdot souvandéfwa bann domoun i sort déor é i mont lao, i krwa ké lé konm dann zot péi laba, ké so foré la lé parèy.

Parkont na in takon ti mikro klima o fir a mézir zot i mont. Tansyon pangar a in sèrtin momandoné fo lèss zot loto é fé la rout apiyé si zot na kouraz, sinon fo alé an 4x4 lé osi fatigan, la rout lé pa fé po loto, tro kasé é pa réparé èspré a sèrtin zandrwa, po lèss lo péizaz vièrz é osi protèz la natir si na tro loto anlèr laba, nora osi bonpé rodèr tang, zwazo, plant tousala sora in lovèrtir po in pli gran destriksyon ( sa sé mon lavi).

Georges Soubou.