Zourné fanm 8 Mars

Zourné intèrnasyonal bann fanm!

Sé in zour mi diré ké fo mèt bann fanm anlèr, mé pa sinpléman so zour la, mé toulézour.
Zordi nou wa ankor bann boug i abiz si bann fanm, in ka zis a koté mwin,mwin fine koz sanm bann zotorité mé zot na riyn afout. Alar lo ka :

Lo boug i travay riynk poli minm,son fanm sanm son ti marmay lé oblizé atann ti sokour la kaf po viv, mé i anpès pa fé krédi po zafèr i vo pa la pinn। Lo pir ké lo fanm i sibi san riyn dir 580 € po in fanm lé pa déklaré sanm li, mésyé son gèl lé fin i manz pa ninport kwé, la ankor li fé krwar domoun lé lé sèf dann in lantropriz. Sak li di pa sé ké li travay po in bouzé manzé, ( domoun lontan i di sa in moun i travay po kwi) lo boug i pèy pa li sinon par 20€. Ifanm sanm inn ti marmay an ba zaz i rès dann somin, i kasyèt dann fénwar i pass la zourné dann somin la pwin la kaz lé dir. Sa sé in nafèr i sagrine a mwin. Kosa ou vé fé i sava pa prann la mizèr tout domoun. Sa sé in boug souvan trann rod fanm si lo wèb é mi èspèr ké li wa lir sa é ké li wa rouv son zyé.

In fanm sé pa konm in sarèt fo pa ral ali partou dann somin malizé. O fèt ga si ou lé sèf mwin mwin lé prézidan, é rozwinn out kamarad si koté tanpon lé li abiz pa rink son fanm in zour la lwa wa trap ali osi!!!

Mwin mi di bann fanm lès pa zot fèr si i tonm i in lèspès konmsa dénons lo zafèr la lwa lé la fé zwé ali. Ofèt in dèr nyé mo kan ti fé travay in moun po in patron antann pa larzan fanm sèl po pèy lo moun.

La na vréman tro po dir é i énèrv amwin ni artrouv.

Georges Soubou