Zeleksyon Larényon!

Kreoler sanm zéléksyon!

So mwa d mars la avan lo promyé tour, la nou la antandi, bann militan, bann sèf de parti moukat, bann parti advèrs. Ské nou pé retenir po so premyé tour, konm dabitid la pa sanzé, apré awar manz lo ki inn alot konm poul blan èk poul rouz, arla zot i dvyin kamarad ansanm. La i fé lalians, la i fizione, po kèl rézilta?

Kan sar o pouwar sora parèy lézot i fera po zot pos sanm la pos zot famiy mé pa po sak la batay po zot.
Konm nou la touzour di so swaf de pouvoir lé antrinn tourn zot tet. Lo fizion ou lalians sé tou sinpléman awar in plas dan in list advèrs po miy ramasé.Granmoun lontan la touzour di dé poul i kouv pa dann minm ni, mé konm isi sé in spésifisité lokal manz lo ki inn alot po myé régné i fé parti de zot mantalité.

De tout fason apré zéléksyon tout i rant zot kaz é i atann léro si zot kont. Bon sak té la avan la pa fé, mi krwa pa sak wa nir wa fé.

Po tou so bann zafèr la fodra trouv larzan, konm banna i di fo pi trop konté si momon LAFRANS, astèr wa alé domann souplé Lérop, po mèt dann zot pos.Mé de tout fason kwa-ke banna i di ou i fé, fodra byin trouv larzan.

Fodra alé dann dot péi po war. nana ankor po di rès kalé konm i di....

Georges Soubou.