vendredi 18 décembre 2009

Malouya.

Malouya, Maloya,

Lo mwa désanm sé in mwa lé asé gayar, la nou fèt lo 20 désanm, nou na noèl, épila lo sin Silvèst. Lané 2009 sé lo promyé fèt 20 désanm ou la lo Maloya la étéroroni podvré. Astèr i rès la lang kréol rénioné.

Nou wa ké so 20 désanm la, lé plis organizé par la rézyon, dapré ské mwin la antandi dir, banna i vé pi tro donn sèrtin striktir po fé, pars lé pa sèryé, nou lé déza lo 18, é mi wa pa bonpé manifèstasyon dann bann komine, dir avan té navé dopi lo komansman lo mwa. Na inn ou dé zasosyasyon la ginyé po fé sak lé imatèryèl,. konm i di sé imatèyèl, donk i trov ar pa lo bout konm dabitid. Antouléka po trouv in morso maloya si bann radyo lé dir, po in mazinasyon....

Georges Soubou

jeudi 17 décembre 2009

Volèr, mantèr

Nou lé kouyon kwé?

Eski fo ankor krwa sak nou wa ou sinonsa sak nou antan? Nou viv dann in sosyété, ousa lonèté sanm la vérité i lès a déziré. Partou domoun i ramas mantèr, a vré dir si nou rogard byin nou minm ni dévyin mantèr. Dann tan lontan i dizé ké inn ti mansonz té pa in pésé! Mé konm zot i koné napwin ti mansonz, na pwin ti pésé. Tazèr volèr nou nana an pagay, kiswa zomn dann la politik, komèrs, nou minm minm!

Nou lé formé mi diré par bann volèr, sanm in formasyon volèr, ou lé sir giny travay, é ansort aou, Arla inn ti list bann tazèr la gèl, ou bann volèr, la list lé pa EXAUSTIVE konm banna i di. Ou na lo politik, li lé normal dopi lo tan i ramas mantèr domoun i krwa pi. Ou na sèrtin komèrs, sak i fé fo piblisité po giny fourg aou bann marsandiz i vo ryin, ou swa i fé promosyon i mèt bann fo pri, kodbar lé pa bon é la i vol aou, pars mi pans sé pa in oubli, sé sinpléman po volé, mi pans pa zot i fé zérèr dann kontabilité komsala?

Apréla ou na inndé ti roké lé sirtou dann lantré bann grann sirfas, ou byin i déplas azot out kaz po tazé, vann nafèr zot lé pa kapab fourni, é osi prann domoun po zot kouyon. Po banna lé grav pars sé zot patron i domann azot de ridikiliz azot vann la fimé la plipar lotan. Totos! inn dé pli gros kouyonis ké lé tèlman gro sé bann vandèr téléfoni sanm intèrnèt, a banna sépa si zot i koné ské zot lé antrinn kozé? Lé vré i fo vann mé di pa sak ou lé pa kapab doné, na inn la minm di amwin ké si mwin na in problinm zot i vyin zot i sanz minm lo kab franstélékon,, in zour aforstan i riskab zot i giny koud fizi dovan la port domoun.

Tèlman mantèr, ké sa la fine détin si zot lantropriz, kan i koné pa bin i fé romont pli o , i fé romont dann lo sélil ekpèrtiz, é pandan so tan kabri i manz salad! E i kontinyé ramas mantèr. Kan napwin solisyon fo di kan i koné pa osi. A mon avi la di fini lo tan piston, mé sé sinpléman in mo, vi linkapasité néna po trèt in zafèr dan bann zantropriz isi ( kan nou di isi la plipar banna lé andéor, i koné minm pa kozé i apèl ou ninport kèl èr. Si na po di na di sa lé pa in problinm.

Antouléka sanm tout so bann tazèr lagèl nou nana isi, é sak lé andéor, na pwin ryin la polisyon CO2 mé osi la polisyon mantèr volèr é sa fodré fé osi in kongré.

Georges SOUBOU

Soubou.

Kopénag lo kongré liminm,

Andémo sak mwin la konpri, préské tout bann kozèr la, lé la po zis kozé. Sé in déba lé fé par bann péi ris, vi ké bann péi sak lé pov i prodwi prèské pa polisyon po linstan. Sertin bann péi pov konm banna i di EMERGENT, dann pa lontan sé zot sora konsèrné. Lula sanm Sarkozi, sanm zot konférans la koz inpé, mé sak mwin la romarké , sé ké, Lula la pa di, sé ké lo pligro zizman pétrol banna la trouvé, fodra byin itilizé sé aparaman son priorité, é sa wa mèt ankor pli lo polisyon, konm banna i di li na in doub langaz.

Bonpé i di sé in lésèk so kongré, bin wi la Sine, Konm linn la byin fé konmprann, ké zot i arèt arpa, i fo ké zot i dévlop zot péi, 20000 km larout ké Linn lé antrinnfé fobyin itilizé fodra byin asté loto po fé roulé ,Lasine sann son bann zizine i fabrik loto sanm kamyon bato, la ankor eské zot wa fé po mèt dann garaz? Santral sarbon, komann airbis lafé sanm zot fo byin onoré é biynsir dot péi i swiv.

Tout fason bann péi an wa dévlopman, sa l é oblizé ké wa aminn ankor inpé plis, la polisyon. Anfinn kont si nou rogard byin anndan la na bonpé tazèr la gèl, konm partou, zot i vé swadizan fé in nafèr mé solman de zot koté dann zot péi zot i bouz pa. Anfin zot lépré a invèsti milyar po la polisyon la sé ankor in kozman bann péi lé zwadizan ris la kès lé vid, la pwin larzan, lo pèp lé antrinn kévé san manzé sa i bouz pa.

Fo pa oubliyé nou lé dann in péi ousa lo kapitalist lé rwa, zot la vi konm invité dann so kongré la navé plito bann gro kapitalis lété la. Riynk propozisyon lé fé konm dabitid koud bwa dann lo.

Georges Soubou

vendredi 11 décembre 2009

Soubou fr infos malbouf.

Malbouf?

Kan nou wa dann radyo télé i vé sanz nout manyèr manzé, san lo mo manzé bouzé! La pa prann dé zénérasyon po intoksik anou sanm la bouf bonmarsé i sort déor. Arlar zordi i vé sanzé, konmsi i koné pa kan zot ki lé plin! Po ékik fodré déza ké bann komèrs i arètsèrv sak lé bon marsé é de mové kalité in pwin sé tou! dann so péi sak i di ké domoun lé libr asté ou pa, sa sé bann sak na larzan, po lo ti maléré na pwin tro mwayin lo plisouvandéfwa li lé oblizé asté po pa krèv la fin.

Kisa i angrès zot pos si lo do bann maléré? La pa bézwin alé rod lwin, dann so sosyété magouyaz fodré pa oubliyé sat i rann anou malad sanm manzé gaté sé zot minm i fabrik lo médikaman! Antouléka sak i rapèl anou, sé i fo fé spor po fé désann mové grès. Nout monn lé polyé kiswa si koté la bouf, kiswa si koté la natir, lo planèt li minm lé malad.

Soubou Georges.

Kongré koté kopenag.

Résofman la planèt!

Dopi lontan banna lé antrinn ésèy rouv lo zyé, si so nafèr la tèr i résof. Dann so nafèr fo pa èt défétis, nou é banna i koné byin ké na pwin vréman solisyon. Bann gran nasyon i di swadizan wa fé in zès si bann poursantaz, makotri zot i anvoy dann nout latmosfèr, mé tout domoun i koné trébyin ké lé kaziman inposib, war min pa posib. Domoun si la tèr i ogmant, fo byin nouri azot, loto kamyon, lotrin, fo byin trouv karbiran po fé tourné?

De tout fason wa trouv in manyèr po taz la gèl domoun an boté. Zordi so nafèr i konsèrn nout tout, mé osi bann gran péi konm la Sine, Lamérik, é Lérop. Mé sak i fo pa oubliyé sé ké, bann ti péi, malgré lo ténaz bann gro i fé si zot, in zour ou lot fodra byin ké zot i avans, dann lo dévlopman zot péi. Malgré ké bann gro i kapay tout, sora sakinn zot tour. Ousa so bann salté la wa alé, po linstan zot la pokor trouv mwayin po alé koloniz bann plantèt, si néna a kolonizé!

Dann tout fason noulé dann malizé sanm bann péi ou sé plito lo kapitalis lé an drwa, pèrsonn i bouz pa, lo ti wa touzour kozé po riyn. La sann tout bann zafèr i spas, dann nout péi sé vréman prann anou po kouyon, la pi la plas po loto roulé! i inport minm, i mèt bann tax sé touzour lo ti giny si lo dwa....! So kongré la lé po ésèy fé prann konsyans bann domoun, ké o finfon zot minm na riyn afout, nou wa tousa dann nout péi toulézour.....

Soubou Georges.


dimanche 6 décembre 2009

Politik ramas mantèr.

Politiker mantèr!

Ces hommes, où il faut prendre rendez vous longtemps à l' avance, tout en sachant que dans la plupart des cas, ils ne seront pas fichus d' honorer. Le problème le plus grave, c' est que la plupart du temps, la faute ( si c' est une faute) c' est que la (e) secrétaire à oublier de noter le sois disant rendez vous! Dans la plupart des mairies, le problème c' est que certains employés pensent que la mairie leurs appartient, mais il ne faut pas qu 'ils oublient que c' est un centre administratif de l' état, et que tous citoyens ont le droits d' y venir.

Soubou Georges.

samedi 5 décembre 2009

Santé nout kanar lé nwar!

La départementalisation et ses effets sur nôtre santé!

La santé à la Réunion est une affaire de tous, un peuple qui a subit de plein fouet une modernisation arrivée trop vite. En moins de 50 ans, l' arrivée massive de produits pas chères en grande quantité, et surtout de mauvaises qualités, ont détruits les systèmes immunitaires de nôtre organisme, trop de sucres, trop de graisses trop d' hormones dans les produits de consommations courantes.
Une importation massive de produits extérieures, où les normes sanitaires restent à être contrôler, et ceci aux profits de grands groupes soit disant entreprises réunionnaises. La Réunion a toujours été un département ou on teste les produits. A ma connaissance la plupart des produits congelés vendus ici comme : les cuisses de poulets, les poulet à l' eau, le pangasius, ou les soit disant BICHIQUES, ne sont pas vendus dans les commerces européens. ( une spécificité encore pour la Réunion ).

Normes sanitaires sont elles respectées dans les pays où l' on importe ces produits de consommations courantes à la Réunion?
Les hommes politiques ferment -t ils les yeux sur ces importations non conformes, parce que nous vendre de la mer.. rapportent tellement?
Enfin est ce que les commerçants grossistes et revendeurs payent- t ils les politiques et les pouvoirs en place pour qu 'ils ferment les yeux?
Les gens vivent à la Réunion dans des conditions modestes ! continueront t - il à ignorer ceci?

soubou.fr/sante.html

SOUBOU Georges

mardi 1 décembre 2009

Zourné kont lo sida.

Zourné kont lo sida.

Dann nout péi konm dann pa mal de péi, na tout sort kalité zourné. Sa lé po fé souvnir kin nafèr lé touzour la é fo fé atansyon, an zénéral. Malgré so bann zourné, bonpé domoun lé pa konsyan lo danzé i gèt, i zwé sanm lo fé, é la plipar lotan i bril azot.

Bonpé i rod boubou po zot kor, malgré zot i wa lo kantité malad i ogmant, i fé pa atansyon. Aforstan domoun i fé pi in ka ansanm, kan nou wa lo kantité ivg lé fé, kantité bann minèr lé ansint, lé grav. Antouléka la rosèrs i avans malgré na inpé laboratwar la lag lokor, parapor i raport pa zot asé larzan. Tardra viyndra banna i riskab trouv lo bout, mé sak lé sir nou nana ankor maladi po ginyé. Afors lozomn i prann azot po bondyé, lé sir fodra péyé.

Georges Soubou

Patrimoine culturel réunionnais.

Nout patrimwane,

Dopi lontan nout bann patrimwane larényon i disparèt, o profi de sèrtin gro zozo. Domoun lé pa konsyan sak nou nana lé gayar, sé po sa sak fwa na in nafèr lé zoli, banna i détri. Pa tro lontan sa mwin té trann koz sanm in dalon lad-si.

Ské nou fé sé kan lé la nou fé pa in ka ansanm nou protèz pa é kan na pi nou kri. Sanm so modèrnité lé sir é sèrtin nout bann zénès i lèv wa raté lo bann zafèr, nora rink zimaz po louké. Lé domaz mé si nou pran pa konsyans zordi sé pa dominn nou wa fé.

Soubou Georges.

lundi 16 novembre 2009

Koud fwèt.

I tap pa marmay!

Kisa na pwin tro lotan desa la pa giny kout fwèt sinon in klak sanm son paran? Komn mi di i tap pa in marmay, pars lo kor inn ti moun lé pa parèy in granmoun. Dann péi la Frans na si tèlman de lwa ké latéfé, in takon larzan laté zété, la pa aranz gransoz.

Si zordi zour bann paran i giny pi réprimand zot zanfan la lé grav, so bann boug i fé la politik i devré réflési é rogard koman na délinkans dann lo péi, dopi zot la komans fé ninport kwé, lo bann lwa i di i fo pa tap out bann marmay sa sé in nafèr i fo réspèkté, mé i di osi ou lé résponsab si zot i fé in bétiz, i di ké ou okip pa! Si ou kri inpé tro la lwa i mèl, i di aou angro fèrm out gèl é réspèk!

Mé bann marmay la i pous tor i sava volé, i sava kas loto domoun, é banna i di ké ou sé in mové paran out marmay la parti volé, domoun la tiyé ali sé out fot, mé sak zot i di pa la touzout défann aou po vréman okipé, pars si ou kri sé ou lé an tor! Atro voulwar protézé olyé édiké lo bann moun i pous tor, i tap pa in marmay, mé fo fé komprann ali sak lé bon, sé pa inn ti lasistansosyal ou in ziz i koné out zanfan! ou la fé ali, ou wa ali grandi si ou rouv byin lo zyé ou wa son bezwin.

Kan banna na 18 an, ou trouv pi lasistans sosyal, lapi larzan po ginyé sé pi zot travay, arla sépa ou lé dann la mèrd pèrson i konépi azot. Mé la vi i kontinyé vik sé bann minm pèrsonn sora la po perpétyé zot koméraz, pars kan lo marmay sora adilt li wa fé zanfan, la sinn i kontinyé. Nout péi konm banna i di sé in péi na son spésifisité, kan i aranz, ésèy fé aplik in zafèr ké i koné sera in katastrof.

Angro sé format bann moun po nir konm robo, tout fason dann so péi la ou na pi lo drwa, si riyn, pétèt si ou na larzan? la mi lès azot médité si bann parol la!

Georges Soubou

vendredi 13 novembre 2009

Lang dé momon?

In moun i pé awar dé momon?

Dapré sak mwin la tandi, zordi nou la koz dési, mon dalaon la rakont amwin, ké sèrtin, bann travayèr po la lang swadizan, i pans ké lo rénioné na dé lang matèrnèl, lo fransé é lo kréol, awar dé trwa, kar dis ang lé normal awar in louvèrtir pli gran.

La rakon ké nou na dé lang matèrnèl la swa zot la mal formil, swa zot lé tro intélizan, la lang i may. Atouléka si sé po totos nout lang par la swit lo nafèr lé apropriyé, Si nou na dé lang, sé in pé konm bann Frèr soeur syamoi, na inn wa fatig plis lot, é kan wa voulwar séparé, na inn lo plisouvandéfwa i kine.

So trikmardaz so bann moun la trann fé , fodré pa in zour i tonm si zot gèl, pétè i sèy fé oubli anou ké nou lé rénioné avantou. Domin sora konm sèrtin moun kan i sort an frans i koné pi kosa ilé brèd sousou. Antouléka di ké nou na dé lang matèrnèl, fodré réflési inpé ladsi apréla na war.

Georges Soubou.


Kozman.

Kozman po in dalon.

Mon dalon laba koté kanada, Jules konm ou wa la kiltir Larényon, andéor lé dir po trouvé, nou isi de nout koté ni sèy mèt anplas, inndé nafèr kiltirèl si lo web é an kréol, dopi inndé zané, é mwin lé kontan de zot ankourazman. Ankor in fwa mi èskiz a mwin po sak i anvoy amwin bann tèks po tradiksyon, po sa mwin na tro travay, po linstan na pwin vréman stkritir i fé so nafèr isi ,po mwin transféré vèr zot. Inndé rodirèksyon min té fé po zot, si sèrtin zasosyasyon Larényon, mé konm ou wa banna i réponn pa, minm sak lé péyan lé dir. Bann domoun i ékri amwin mwin lé kontan, mé sanm plisouvandéfwa, in sinkantinn zimèl po réponn toulé dézour lé dir.

Epi mi anons in pé plis de souplès dann lané 2010, inndé dalon la rozwinn amwin na sèy propoz azot in pé plis zafèr si lo web.

Dopi lo mwa septanm, kréolèr i komans a mèt bann vidéo HD si youtube é lé zot platform, Antouléka mi anprofit po swé azot o ka i giny pa in bon fèt 20 désanm é bon zourdlan

Georges Soubou.

jeudi 12 novembre 2009

Andikap: lo réspé bann zaménazman!!

Respèk bann zandikapé!!

Mwin mi pans i fo rèspèk bann zinfrastriktir laté mi an plas po zot. Déza na pwin tro, é si néna ou trouv touzour inn gouyav po vol la plas. Dann sin-Pir biyn ké banna i di ké zot i fé bann zaménazman, lo plisouvandéfwa, lé mal aménazé, é domoun i rèspèk pa. Sékirité sosyal, kaf, zinpo, lé difisil po ariv anndan, sé pa lo batiman li minm, mé po arivé, inn déza fo ou trouv in plas po garé, apréla konm la plipar lotan lo pé lé garé si trotwar, la i poz in problinm! Loyt problinm sé ké sèrtin pèrsonn na in moun andikapé sé li, kan lo monn lé pa la sanm li , bin li ansèrv lo badg ski fé in plas lé pèrdi, kon zot i wa, domoun lé san skripil

Georges Soubou.

La rout isi!!

Alon kozé!

Lo nafèr dann nout péi ousa domoun sora, mi krwa in pé dakor sanm mwin, mé la zamé trouv solisyon, la nou sava koz desi la rout, pa la rout ankornis ousa i kout tèman larzan é la zamé trouv moyin fé in zès, anfin noré mé nana ivé pa pèrd zot kousé solèy dopi la montagn.

La nou wa koz si bann rout kominal é départemantal, i dévyin talèr pli sèr po antrotenir, ké la kornis! Pokosa? Bin pasito la fin aranzé, bin i kas, i pèrs lo trou po fé pas kanal, kouran, dolo é mi anpas, mé lo nafèr lé grav sé ké bann zantropriz la koup la rout, i romèt pi konm lélé, navé goudro, mé banna i mèt béton kan la fini zot travay. Lo problinm i spas, sé ké bann kamyon, loto kan i pas i fouy ankor pli gran lo bann kanal. E kan na la pli sé plis in katastrof.

Sépa si bann zantropriz la i travay min dann la min, ou sinon zot napi moyin po romèt konm lélé, paasé larzan ou pa asé konésans. Pandan tou so tan out loto i kas po lo profi kisa? Fodré porté plint, pa pétèt kont bann zantropriz, mé bann kontrolèr i fé pa zot travay, é konm i di dann lafèr sakinn son konpétans, si lé pa kapab fé myé vo rant zot kaz!!!

Georges Soubou.

In grin boté!!

SOUBOU-RESEAUX

Arla inn ti grin d-boté dann so monn ké lé pa souvan fasil. Eské zot i koné ké flèr la na in takon vèrti, pa ké po son boté mé, osi po son kalité médsine.

Ansèrvi po fé bann parfin, mé osi distilé bann domoun i lav la figir ansanm. Na in takon dot zafèr po si so plant. Mwin dann monn ti zardin dèyèr la kaz mi aprési son boté, na plisiyèr lodèr, sakinn son gou. I di osi dann la vi toulézour oulé bèl konm in roz. In roz pa ankor ouvèr lé plito ofèr po in fy vièrz.

Georges Soubou

Lo zour konm la nwit!

Lo zour konm la nwit!

A byin rogardé sèrtin swadizan zaktèr kiltirèl, Larényon i vé touzour fé krwa a nou la nwit po lo zour, arla sépa zordi mi giny dann mon bwat mèl, inn ti mo po sak la giny sibvansyon po sak lé imatèryèl, in takon minm plis kifo.

Bon talèr wa di mwin lé zalou akozsa zot i ansèrv larzan bann kontribialb po zot ti biznès, konm sé po in nafèr lé imatèryèl, lé sir ni wa arpa kosa i sava fé, dopi dézané bann komik la i giny bonpé larzan po fé bann trin po la kiltir, mé mwin pèrsonèlman mwin zamé vréman vi! Mi antan i di la fé mé war minm dir dir.

Bon konm lo Maloya laté rokoni, lésir sakinn i romèt azot a friyé po war si i giny pa kapar inpé. Mwin la min lir si intèrnèt ké nana na léspwar ké si NRJ i pas Maloya, mé sak zot la pa konpri ké sak radyo na son forma, di mwin NRJ i rèspèk. Po la plipar bann radyo asosyatif sé plito la konkirans antrozot, é sa sanm bann kontra lasarité, kan ou antan bann zingl lé pa anrapor san lo tinm i pas, mi domann amwin si zot i koné kosa zot trann fé.

Mwin antan ansyin animatèr la radyo, sépakoman mo sévé i drès si mon tèt, kan nou wa sèrtin koman i koz si la radyo, lé sépa fout kapab prézant in morso lamizik san kors lo titr lé dir. Sa lé pa zot fot kan i di azot mèt la kord lé pa oblizé.

Dann lo sid Larényon ou na sèrtin radyo, mi domann amwin si bann boug i travay dési lé pa fini mor sé zot lam ou lordinatèt i tourn. Dann in not kozman mi koz si pousèr bouton, in travay plis dévalorizan po in boug, prézant sak matin lo minm zafèr, konm banna i di in radyo san fil.

Lo CSA i rouv pa lozyé ladsi, okilé lo réspé bann kayé dé sarz, sak i di i fo fé, sak i fé swadizan la kiltir, okilé bann progranm kiltirèl? Sé pa pars i koz an kréol si in radyo, ké lé forséman kiltirèl, argar in kou bann radyo komèrsyal, bonpé i koz kréol, zis po giny zoditèr, zot na riyn a fout aparaman

Pwin tro lontan nou sava pas an nimérik, la nou wa sèrtin radyo, i komans di ké lé pa sir zot wa ariv ténir lé débout, tout fason po la kalité lo bann program zot i fé sora pa in pèrt. So gasi la noré pa été si zot té i atann pa boudin kwi dann vant koson. Si ou koz konm in kanar alor kan sora nimérik, sar pir, san trèman lo son ki kout asé sèr, bon na koz inpé plis pli tar la mwin trann soul azot.... Bo mi arèt pars mwin té sa koz èkzot in boug bann té sava amar ali é bèz ali kout sabouk po in trin fanm...

Georges Soubou.

La vi bakanal.

La vi bakanal ( la vi an ba kanal po tourn sak, mové vi ).

Dann tan lontan té i di té ti fann arèt minn la vi bakanal, arèt fé lo mové vi! La vi bakanal lé pa sinplman po in fanm, mé i adrès osi a tout domoun i aminn mové vi, boug la i aminn la vi bakanal, in zour la lwa wa trap ali. Fanm la i aminn lavi bakanal, li okip pi son marmay, ni son fwayé, son vi lé pa sa.

Aforské li oubli son vré vi li wa tonm dann la vi bakanal, boug la na 40 an li wé war son démon minwit la li é an bakanal.

www.soubou.fr Georges Soubou.

Kozman vérité.

Kozman vérité!!!

Kan in moun i di in kozman vérité, normalman sé po dir sak lé vré! Kozman vérité i sort dann labous bann marmay, bann ti baba, mé rarman dann la bous granmoun. Pokosa? Sa sa la touzour été, afors tro ramas mantèr, sèrtin zadilt na pi zot krédibilité, opré sèrtin moun. Kosa i fé ké plisouvandéfwa, domoun i krwa pi?

Nout koko laté sitèlman basiné sanm nafèr mantèr, lé normal napi konfyans, kiswa bann zantroptriz, bann boug politik dann gouvèrnman, i taz touzour la gèl domoun, zot lé mantèr sé po sa osi domoun i dout é i krwa pa. Ramas mantèr domoun sé in lar, domoun si sava gran lékol po konèt ramas lo bon mantèr. Taz in maksimome, avan té pas la min dann la tèt bann marmay po kouyonn domoun, koméla bann spésyalist i travay dési lo koman fé po totosé.

Kozman vérité sa lé dir po ankésé di in moun son kat vérité lé sir wa fémal alé, mé kon la plipar lotan la pwin la ont kosa ou vé fé.

Georges Soubou.

Disaknapodi.

Disaknapodi,

Té dann nout péi i fé bon viv, mé sak lé vréman rogrétan sé tousa la salté domoun i zét, partou san réflési, sépakoman. Swa domoun lé makot an nésan ou i dévyin konmsa, antouléka, dann sominn-si minm, alé parkoman in boug garé si in parking in gran sirfas, fine sanz son marmay, olyé mét lo kous dann in sak é mèt dann la poubèl, li balans sa zis dann lo bor ranpar koté li lé garé.

Kosa ou vé fé sanm boug konmsa, si na pwin réspé dann somin é po la natir, mi poz amwin lo kèstyon son kaz èské li fé konmsa, li zèt dann son kour kwé? Antouléka lé pa sir li wa lir so mézaz, mé si zamé li tonm in zour dési. Fodré li sanz son mantalité. Si inn ti bout latèr konmsala nana domoun i rèspèk pa, koman nafé po lavnir. Mwin la di ali sak li fé lé pa byin, mé a di a mwin pa mwin i nétway, mwin la répon, rèzman sé pa mwin pars mwin noré fé manz ali son salté. Sé pa la ont la pran ali, mwin la vi li la désann de son kat kat, li la glisé dann lo bordaz, mi èspèr lété po ramas son zafèr li la zété.

George SOUBOU.

mercredi 11 novembre 2009

Monkozé, mon kozman!

Mon kozé sé la mayèr di sak i sopas dann nout péi. Atèrla lé pa politik, parské kréolèr i pans ké la politik sé in nafèr lé pa bon po mèt dann tout sort kalité la min. Koméla na boug sèrtin sak i fé la politik, mi pans ké zot lé pa pré po prann in langazman, po nout péi é minm po in parti divèr!

Pokosa? Kan ou wa dann nout péi sak i taz la gèl domoun sann in fo program politik, po giny inn ti plas sépa ousa, po favoriz zot bann magouy ké zot la mi anplas.

Tout fason lé sir wa tiliz touzour rényoné po zot ti magouy.

Georges Soubou.

Pousèr bouton!

Kontra lasistana.

Sa in nafèr la énèrv amwin si lo kou, mé kan mi réflési, sé pa in nafèr i risk sanzé sirtou dann sèrtin stasyon radyo. Sanm in kontra lamizèr, ké lo konsèy zénéral i donn, atann pa ké lo boug lé anbosé po fé lanimasyon dann la plipar lo loka, lo boug ou lo fann na okin baz dann lanimasyon. Lé zis la po fé lota pousbouton, 1 an ou dézan, lo boug i répèt lo min fraz, i prézant kaziman lo minn sanson, ziska in rabèsman lo pli total.I fé riyn domoun dèryèr lo pos i moukat, li lé pa la po war.
So bann kontra lasistana la i èkzis é wa ékzisté, pars po linstan kaziman okin lasosyasyon i pé anbos a kontra indétèrminé é sa par mank larzan. Malgré bann sibvansyon, lé la po lo fonksyonman, bann fré lésans, sanm bann ti fèt organizé po bann dalon. Po sa okin zinstitisyon i rouv lo zyé, i antann ziska in zour na rodrèsman zidisyèr.

Konm mwin la dia zot tèrla, lo boug la koz sanm mwin po son sitiasyon, mékosa li vé mi fé, a park ékout ali, lo patron i taz ali si lo ronouvèlman son kontra, i fé mové manyèr sanm li. Mwin la près anvi diali ké li té koné koman té lo zafèr astèr démèrd ali. Bon oubli pa ké vann zafèr ou la kopyé si lordinatèr, bann dokiman konm baz doné , ransèyman konfidansyèl konsèrnan laso lé intèrdi, banna wa fé giny aou kriz kardiak konm ou koné, si la sasèm la trap aou po vann bann CD kopyé ou risk avwar gro zanwi. Antouléka out kontra la prèské fini viv an fèr é konm banna i di que la paix du seigneur soit toujours avec toi amen. (pzv)

Georges Soubou.

Lang kréol rénioné!

Lang rénioné la!

Lang rénioné la lé konm lo Maloya, avan té intèrdi koméla lé rokoni, konm in litilité. Mé na ankor domoun lé kont so nafèr la pokosa? Si nou gard byin sé bann moun i tiliz plisouvandéfwa la lang sanm lamizik po zot profi, politik sinon po fé rant larzan, kan i raport azot, i bouz pa. Mé lo problinm sé ké si zot té ékri azot fason la pétèt té noré té dakor, mé wala! zot bann ti kamarad la pas dovan zot la prann lo nafèr po zot. Astèr i batay po in K ou in C, bon! mwin mi lès azot dann zot caca, é mi tiliz mon K. Sak la pa kontan oubli pa ké na dot sit kolonyalis i itiliz dot maynèr ékri. Nout lang sé po lisntan in lang na pwin vréman in grafi, asé pousé, po linstan lé plito fonolozik. anfin na domoun i travay si in not manèyr ékri, mi pé ankouraz azot.

Ofèt ousa ilé bann média i zafèr po la lang rénioné? Antouléka nana konm i di lo bann zingl mé bann zaksyon mwin pokor vi.


In verb i dévré fé son laparisyon biynto lo vèrb pousbouton. Mi pousbouton, li pous bouton, li wa pousbouton. Sa sé in nafèr in boug ra rakont a mwin son travay posa nou wa koz prosinnman si so pozé bouton!

Georges Soubou.

Lo ti bout dann kor i fé mal : la LANG domoun.

Kozman Larényon
La lang na pwin lo zo! La lang i bat konm la ké lo syin!
Kosa i vé dir? La lan na pwin lozo sé kan in moun i koz po ryin dir, Li yinm fé koméraz son lang i yinm baté.
La lang dann lo kor imin na in gran linportans, kiswa dann ninportakèl péi, dann ninportakèk sitiasyon. So ti bout la dann nout kor na in gran pouvwar, fé lo byin konm lo mal, li pé fé kondane, in moun po in fot li la fé, ou fé ansort kin koupabl i ansort ali. La lang i pé blès in moun pliskin kouto, ou in koud fizi. Epila lo nafèr isi li ansèrv lo plisouvandéfwa sé po fé kok out kamarad, mé rarman po fé in bonzafèr.

Georges Soubou réseaux soubou.fr kanal savoir.

mardi 10 novembre 2009

Obésité le danger. In dokiman an kréol rénioné.

Lo danzé!

Bann grès lé danzéré lé o nivo lo bad-rin dann lo sintir, grès viséral abdominal, na in rolasyon dirèk ké so bann grès, lé la sé osi ké diabèt lé dann kwin la.

Lipèrtansyon artéryèl é in to triglisérid, tro o. Na insèl moyin po mézir so bann grès, posa prann in mètr soupl si otour la tay in boug i dépas in mètr, ou
katrvinkinz pou in fanm. Pour ski konsèrn lo diabèt in moun lé obèz na trwa fwa plis de risk, kin obèz normal. Pars plis la kantité la grès dann lo kor lé gran,
plis lo kor la bézwin linsiline. Si out pankréa, na difikilté po fabrik linsiline, la lé sir ké lo diabèt i trap aou. Plis in tyèr domoun na lo diabèt.

Georges Soubou
KANAL SAVOIR Île de la Réunion.

E koson inporté alor?

E koson inporté alor?

La na koz si in zanimo domoun i yinm byin, po linstan na riyn a dir si lélévaz Larényon, domin i riskab kozé! Kan banna i kri sanm maladi, dann zélévaz laba si koté lo Meksik i fo pa oubliyé ké bann gro zinportatèr kapitalis, sak i fé la sarkitri, na in gro par dann so bann zélévaz, ké lé pa o norn, la di moman i fé rant larzan pèrsonn i koz pa, lo zyé lé bousé. An gro po di azot ké nout kalité la bouf i zwé in rol inportan si nout santé. Lir la swit si soubou.fr rubrik santé.

Georges Soubou.

dimanche 8 novembre 2009

Dipavali fête de la lumière Saint Pierre Réunion.


Dipavali Saint Pierre.

Konm sak lané la komine sanm inndé zasosyasyon , i fé la fèt la limyèr. E konm sak ané, la longèr lo trazé i diminyé, rèzman dann so nafèrla sèrtin préstatèr i montr zot sawarfér. So lané lo Dipavali si sin-Pir lété si in kourt distans parla 500 a 600 mètr. Espéron si lané prosinn i fé i ardiminra pa plis, riskab banna i fé sa an virtièl, sanm bann zologram. Po sa fodré kontak bann sinwa banna lé gabyé ladan.

Georges Soubou - pliz zinfo si soubou.fr.

jeudi 1 octobre 2009

Maloya.

Vivre pleinement toute nôtre culture

LE MALOYA : Réellement , le Maloya existe depuis l'esclavage . Cette musique , mélodie réservée aux noirs et qui se jouait dans l'obscurité , est une musique qui a permis aux esclaves de résister pour exister .C'était un outil fondamental pour garder l'espoir d'une future liberté .Cette musique est une forme de complainte liant la douleur , la souffrance , la haine et la joie . Ils ne pouvaient pas chanter ouvertement , car les conditions dans laquelle ils évoluaient , étaient proches de l'intenable , l'intolérable et l' insupportable . Cette complainte exprimant les sentiments d'une population qui souffre dans le silence . Ils revenaient souvent , après une rude journée de travail , marqués par le fouet , ils ne pouvaient s'exprimer qu'au sein de leurs milieu familiale.

On ne peut pas considérer le Maloya comme une musique , c'est un chant d'espoir , de douleur , une complainte avant tout . Le Maloya a toujours été par les pouvoirs coloniaux comme une danse et un chant de nègres .Ces dictatures utilisaient cette expression à des fins de divertissement. . En fait , était pour montrer que les esclaves étaient heureux . lire la site sur kreoler.

Georges Soubou

dimanche 30 août 2009

Obésité Ile de la Réunion (document créole réunionnais).

Obézité, gromoun dann nout péi.

Lobézité dan nout péi, sé in fénominn i dat dopi lo komansman, banna lo vouli sanz nou maniyèr viv, é dékalk anou si lo forma éropéin. Kan nou pans i fo inné zénérasyon po lo kor in moune adapt ali a in sanzman brital de mod de vi, lé pa étonan de war ké domoun i tonm malad sanm, sanm so langrèsman forsé.

Nou vé manz pa sèr, i bès la kalité bann prodwi kiswa konsèrv ou zanimo, Osi biyn ki donn bann poul, koson, bann zanimo prodwit po angrès pli vit, é malgré banna i di i fé pa aryin si la santé domoun, ( rèst a prouvé viv ké lo bann laboratwar i frabrik so bann prodwi, sé zot i fé lo bann kontrol, é sé zot i fourni anou médikaman kan nou lé malad, sé so bann gro sosiyété kapitalis i anprofit de tout fason), si nou rogard nout sosiyété isi Larényon, nou rogard nout bann marmay grandi, lé pa normal zot i dévélop konmsala, inta la grès, ésouflé.

I paré ké 1 marmay rénioné si 5 na problinm lo pwa, la mazorité nout popilasyon lé anpèsté sanm lo diabèt, alor avann navé 15 20 an desa, navé prèské po domoun atin de so bann maladi la. La swit sur zournal.e-reunion.fr

lundi 24 août 2009

Zinfos : batay, dispit dann nout péi dram dann la famiy.

Dram familiyal isi.
Po slané la na in takon domoun i tiyé azot antr zot. Larénion po so lané 2009, na in takon dram, sirtou familyal lé inpardonabl sirtou kan na zanfan lé anndan. A so lépok ousa nou viv tousa i devré pa ékzisté. Dé pli anplis i va bann koupl i tiyé azot antrozot, é tout la famiy i pas.

Dann tan lontan navé dispit, té violan, mé pa konm azordi, pli i avans tout i sava an sarèt saviré. Po sèrtin bann psikolog ou sinonsa bann mèdsin i di ké sé in kètiyon, lédikasyon bann marmay, kan lé ti sèrtin marmay, zot paran i di azot zamé non, é sé kan i deviyn adilt, banna i aksèpt pa lo rofi, sé posa dapré zot na in tankon dram depli an plis.

Na sèrtinn man la vérité ladan, mé sak i spas dann la tèt in moun lé dir po kontrolé, lo moun li minm, lé inprévizibl. Nou sava pa mèt sa si lo kont lo déstin, sak i fo dir osi ké nou na in sèrtin lédikasyon na kaziman pli d-valèr. Pli de respé po pèrsonn, in lévolisyon lavi lé bazé si nafèr san valèr.

An longèr zourné, bann marmay lé dovan bann zé violan, lé paran i asté la plipar lotan san kontrolé.
Latélé i basine anou sanm, bann film violan, finm kaziman érotik ( fé-lamour, top modèl, po sit sa ) bann fèyton an losikré bann domoun lé domi touni anndan, i anbras a sak instan, losikré ladilafé, dispit divors , sakinn i pas sanm inn alot. lir la swit...

Radio nimérik èk la télé.


Radio nimérik po dann pa lontan.

Nana sak i atann sanm inpasyans larivé de so nouvo forma po radyo. Nana sak i vé pa pars zot nora pa asé moyin po zéré ( déza bann radyo asosiativ Larényon i komans kriyé, na in bonpé lé sir i sava giny lo kou pa asé moyin finans, é pa bonpé boug kalifiyé po tavay si so tip média " épi bann boug, lé kalifiyé si sava pa travay po in kontra lamizèr sa lé sir").

Kosa ilé so sistinm difizyon? Aparaman sa lé bazé si lo sistinm konprésyon i itiliz téknolozi Mpg4,(sora itilizé osi po TNT dann pa lontan dann nout péi, mé kan? dopi lo tan ni atann), so téknik i nétway tout sinyal, ké nout zorèy i antan pa, i rann sa pir é san parazit.

Sé in sistinm i pèrmèt giny in kalité lo son parèy in CD po lamizik, so sistinm na plizir é minm in takon lavantaz, ou pé tansport bann fisiyé data, konm bann posèt lo santèr é in takon dot zinformasyon, titr, tousala tout sorkalité zinformasyon.

Sé lo syistnm dé konprésyon, mi diré Mp3 po vidéo. Lo sé konm an télésarzman, lo bann doné lé kodé par paké é miltipléxé po la difizyon si radio.
.
Sanm in sèl émétèr, na pliziyèr radio i pé difizé konm par satélit sou form de bouké, sanm in débi i pé alé ziska pré de 2 mégabit par sekond.

So sistinm lé plis avantazé par rapor la Fm, ousa i tiliz in takon frékans, po Larénion in radio o liyé tiliz 17 frékans, poura itilizé inn ou dé po kouv tout lil.

Po mwin ki itiliz lo forma Mpg4 po difiz bann ti program si bann platform vidéo, li rédwi in bonpé lo pwa bann vidéo, po in kalité lé gayar, épila, sé la plas anplis po lo disk dir.
La teknolozi Mpg1 ou Mpg2 lé ansèrvi osi

Rédasyon SOUBOU GEORGES lir la swit...

samedi 22 août 2009

Gayar zimaz Stèle dans les hauts de l'Ile

Ar la inn gayar ti zimaz mwin la prann po zot dann léo Larényon, parkoté lo park nasyonal léo. Arla ankor in zimaz i prouv azot ké nout péi lé zoli na gayar péizaz, é ké domoun, la touzour anvi kolonizer.

Oubli pa alé zét in ziyé si nout E zournal http://zournal.e-reunion.fr

Pour mieux apprécier la nature des hauts de la Réunion.

mardi 28 juillet 2009

Fête du choca Entre Deux Reunion.

Le Chocas fête du chocas à l' Entre Deux des mains expertes pour tresser et fabriquer des tongs, et d' autres produits artisanaux. Imaz ReunionLe chocas fait parti des traditions réunionnaises depuis longtemps. Autrefois utilisé pour les constructions de cases en pailles, de cordes et d' autres produits. Aujourd'hui les communautés s' activent à faire valoir ce patrimoine culturel pour nôtre plus grand bonheur.Soubou Georges
La fèt soka si koté Lantre-Dé in maniyèr valoriz lartizana dann léo, in savoir fèr lé transmi antr gramoun é zanfan. Sak nou pé dir dann lo soka li minn tout lé anKiltirlarenionsèrvi, lo matsoka dann tan lontan té ansèrv, po fé salvèrt, po aranz bannkaz an pay, bann fèy, po fé la kord, savat é in takon zafèr.

Georges Soubou.

Ile de la Réunion Zandrwa maro, kiltirlarényon

Dimitile.


Les villes et quartiers de la Réunion: Dimitile dans les hauts de l ' Entre-Deux des vues magnifiques sur Saint Pierre, la Plaine des Cafres et Bras Creux.
Nous pouvons aussi observer, un superbe panorama depuis une fenêtre donnant sur Cilaos, le petit Serré, Palmistes Rouges, la ville même de Cilaos. Il est conseillé de commencer cette balade très tôt le matin, et surtout consulter la météo.Plaines des Cafres

Inn ti balad si koté lo Dimitil, in landraw ousa nou pé war bann zoli péizaz. An montan a zot drwa wa powar louké Sin-Pir, Plinn-dé-Kaf, é osi inn ti fénètr si Silaos.Dimitile Reunion
La zot wa war Palmist Rouz, la vil Silaos é osi gayar nafèr. Tansyon pangar lé asé dir lo parkour, la fine arivé pliziyèr fwa la nwit bann rodèr tang i raminn domounDimitilela pèrd somin, alors roprann lo minm rout, sirtou rod in GMS na rézo, komn Oranz Sfr lé dé na rézo inpé partou, antr nou Oranz po linstan lé pli fiab. In dèrniyé soz arivé in sertin moman loto i mont pi.

Georges Soubou

lundi 13 juillet 2009

Dimitile la Réunion.

DIMITILE LARENYON.

Arla inn ti vidéo, té filmé dann léo Lantr-Dé, laba koté Dimitile. Sak lané na in takon zafèr i spass lalo laba. Trans Dimitile ou sinon sa dotr manifèstasyon po lo spor. Antouléka sé in landrwa lé gayar po vizité, sirtou an été. Sé in landrwa in takon domoun sat lé pa abitiyé i pèrd lèr, é i pèrd osi somin.

Fo biyn dir sé in foré, si zot na lokazyon alé, po sa fo èt an bon kondisyon fizik, é pa oubliyé, an ivèr i kay é la nwit i tonm bonèr. Po bann zanèkdot souvandéfwa bann domoun i sort déor é i mont lao, i krwa ké lé konm dann zot péi laba, ké so foré la lé parèy.

Parkont na in takon ti mikro klima o fir a mézir zot i mont. Tansyon pangar a in sèrtin momandoné fo lèss zot loto é fé la rout apiyé si zot na kouraz, sinon fo alé an 4x4 lé osi fatigan, la rout lé pa fé po loto, tro kasé é pa réparé èspré a sèrtin zandrwa, po lèss lo péizaz vièrz é osi protèz la natir si na tro loto anlèr laba, nora osi bonpé rodèr tang, zwazo, plant tousala sora in lovèrtir po in pli gran destriksyon ( sa sé mon lavi).


video
Georges Soubou.

lundi 27 avril 2009

Pikan,sourne la natir nout péi.

Arla inn ti piyé dobwa, ké navé in takon, domoune te ansèrv, dann tan lontan. Kiswa an kwizine, ou minm pa médikaman. Anfinnkont la plipar lo tan té i ansèrv konm manzé lapin.
video

mardi 24 février 2009

Temple Karli Saint Pierre Réunion.

Tanpl Karli Ravine Blans.

Arla in tanpl la biyn avansé si lo pwinvi, arsitèktiral. Li lé lwin ètr lo tanpl na 20 ou 30 an desa, lé pli zoli mé ski vé dir osi ké tout lo bann sérémoni osi. Sak mi di so divinité, lé asé partikiliyé konm tout bann bondyé dann la rolizyon. Antouléka lo bann sérémoni lé pi fé konm sak nout bann zansèt la aminn sanm zot isi dann nout péi. Pétèt ké po sèrtin bann bondyé i deviyn modèrn é zot bezwin lé pi parèy. Tout fason sé in zoli tanpl la lévé lé zoli po rogardé...
Si zot na lintansyon alé vizité oubli pa rèspèk bann règl lé a lantré, é sa lé valabl po tout bann zandrwa sakré.

Temple Karli Saint Pierre.

Un des plus beaux monuments de la Réunion le Temple SRI MAHA BADA KARLI, situé dans la commune de saint Pierre, dans le quartier de la Ravine Blanche.

Georges Soubou.


samedi 21 février 2009

Baget l'eprit Dori

Léspri dori.

Ankor inn ti lomanz po in bougiynm la kiltir rénioné é osi in gran défandèr la koz TIBETIN isi dann nout péi, li la fine désot somin la vi na in koup de tan de sa.

Grand défenseur de la culture réunionnaise et de la cause Tibétainne. Bagèt , avec un extrait de sa pièce de théâtre lespri dori. Bagèt nous a quitté il y a quelques années de cela.


videoGeorges Soubou.

Henri Madoré dit Ti Doré.

Nasyon tout koulèr.

inn ti koud zyé po in santèr la désot somin lavi na inndé zané. Henri Madoré ou Ti Doré ou ankor Madouré.
Un des derniers chanteurs de rue disparût depuis longtemps déjà. Henri Madoré dit Ti Doré.

video
Georges Soubou.

vendredi 20 février 2009

Kristyan Fontinn

Dalon Christian Fontaine kisa ilé?

Kristyan (Christian) Fontaine té prètr li lé né Carosse dann léo Sin-zozèf lo 23 novanm 1944, li la été fé prètr lo 27 févriyé 1972, bonèr minm li té vé rantr sou lé zordr. Tout domoun la koni ali po son pasyon pou la kiltir rénioné, sé li la kré lo fron kiltirèl sid, in lasosyasyon té domann la rokonésans lo rèspé é lidantité rénioné. Apar ékri zistwar Tikok sé in boug la bonpé sobat po lidantité rénioné.
Li la kol somin lot koté la vi an avril 1984 dann in laksidan loto.

Georges Soubou

Teks in dalon : Pwaké, Kayanmbé

Pawké

Dann fenwar lo zour i klèr
Klèr mon somin
Depik lo tan lantrinn trimé
Pa koméla mi sa flansé
Ala mi wa bourzon pwinté
Dann la rozé
Kouraz i mont dann mon dé pyé
Doulèr i sort dann fon mon kèr

Zwazo i sant partou néna zoli flèr
mé soman mafé atansyon
Nora touzour dann in tournan
Zoli parol i ral i mèt dan la kol

Konm mi rapèl navé in fwa
Dann mon mizèr
Dann parol mwin té kwinsé
Ant dé galé mwin té kwinsé
Mwin la konpri ké si la tèr
Néna santyé amèr
Minm néna zépin i fo grinpé
Ariv an o mwin la trouvé

Défwa mi tourn mon tèt dèryèr
Mi romazine
Dann tout doulèr mwin la pasé
Mi fèrm mon zyé mi pri bondyé
Konm sa mi wa koté bonèr
Ek mon flanbo
Minm dann fénwar mwin la pi pèr
E mi zèt dèryèr tout mon malèr

Maksimin Boyer

Tienbo ansanm kréoler.

jeudi 5 février 2009

Mise en ligne du clip de René Paul

Kré oler la mèt an lign lo kilp vidéo de René Paul Elléliara, nou rotrouv la atèrla lo boug sanm in vevèrsyon séga, nou lé abitiyé sirtou antann ali sant maloya.

Mise en ligne du clip de René Paul Elélliara habitué à chanter le Maloya, on le retrouve là, dans dans un de ses clips, Mèt Paké disponible sur la chaîne de Kreolertv, sur Youtube. Mise en ligne ce jour le 05 février 2009.

Georges Soubou.

mercredi 28 janvier 2009

A propos de soubou.net

Mi invit zot tout po bat karé si soubou.net et osi fé konèt lo sit dann zot lantouraz, sit la sé in léspas po fé vivr nout kiltir, é osi tout sak nana dann nout péi.

Invitation à la culture réunionnaise sur le site de www.soubou.net. Site culturel sur le pays : la zone océan indien, et les sujets ayant un rapport de près ou de loin avec le pays.

Kosa ilé so blog la?

Tèrla in kalité lavi Larénion, so blog la lé fé po zot tout, lé déstiné a bann zémisyon radio ki sra fé dann lo tan. Nou lé lé po koz si Larénion é osi sanm tout nasyon.

Espace destiné à la Réunion dans son ensemble, et ausi aux programmes audios visuels qui seront créer par l'intermédiaire d' emissions radios et tv. Parler du pays tout simplememt sans prises de têtes. Un espace plus axé sur la culture. Bienvenus sur le blog de KREOLER.