Quatre epices.

Katrépis!

Bon arla in zépis dann la kwizine rénioné, pa toulmoun i ansèrv sirtou bann nouvo zénérasyon. Sé in zépis i fé rapèl sirtou a moin bonpé zafèr dann tan lontan.

Byin ké na ankor in takon lopyé dann sèrtin kour domoun, lé rar i ansèrv, pétèt osi parski koné pa koman. Bann vyé gramoun (mi di pas tout zénérasyon i ansèrv pa) kaziman dann tout kari i mèt, é konm mi di fo byin konèt lo dozaz sinon i riskab rogrété, épi pa tout domoun i yinm osi.

Bon mwin sak mwin lavé romarké té bonpé anservi dann cari lo grin sek. Koméla, lé rar i ansèr, akoz bann pla sirzélé, bann kari i sort déor, bonpé domoun na anvi gout lo gouyav de FRANS, sé posa fo dir osi ké dann so gouyav de frans la na bonpé vitamin KST (kat pyé sou tèr). Obézité, maladi tout sort.

Sak bann sersèr i di anfinnkont bann zotorité lé anplas i fé pa in kont ansan, vi ké zot na dé par anndan, fénir zafèr lézot i ansèrv pa, Kon i di in dalon amwin, banna i fé nir,banna, nana lo bann lopital, é banna nana lo médikaman, sé po sa konm idi trakas pa!



Antouléka mi invit azot rodékouv tout bann fri lontan, bann resèt lontan si lo rézo soubou.fr, (net ikzist pi po linstan mwin la fé konfians a in bann M.... la pèrd po linstan.

GEORGES SOUBOU