mardi 3 mai 2011

Mahavel

Mahavel Ravine des Cabris.

Inn ti détour si koté MAHAVEL , ansyin non la Ravine des Cabris. Kartyé la biyn sanzé lé kaziman in vil, dayèr konm inpé tout karty la vil Sin-Pir. i trouv kaziman tou, mé atansyon konm dann tout bann kartyé na zafèr lé sèr, vi ké po so lané 2011, na pwin ankor konkirans antr magazin.

Antouléka i fé bon viv, nana sinéma ( i mars kan la anvi) sinon zot na tout lé servis kin komine nana : mairie annex, laboratoir analiz médikal, doktèr, dantis, farmasi an gro nana ttout!!! a vizité http://www.mahavel.e-974.com.

Georges SOUBOU

SOUBOU GEORGES.

Rézo SOUBOU Bann plant.

Konm dabitid si lo réso soubou, nou koz sanm zot si bann plant Larénion é ayèr. Konm tout domoun i koné bonpé, é minm kaziman tout médikaman lé fé sanm bann plant, ( atansyon lo bann molékil éstré lé si tèlman konsantré i fo pas in ta - dizon bann sèrsèr èk laboratwar la izol sak té falé azot) Par rapor a in médikaman konvansyonèl, in plant i prann in pé plis lo tan po géri, é sa san fatig lo kor in moun. Dizon bann plant po linstan sé in konpléman po èd lo kor.

Konm mi di souvan i fo zamé arèt in trèman zot médsin la doné ( i zwé pa sanm son santé). Sak nou romak, domoun i rokomans a tour azot sanm bann plant po sony azot.

Isi bonpé bann plant ansèrvi dann la médsine tradisyonèl la fini disparèt parapor domoun la détrui, é sak lé an vant dann la farmasi é dann marsé forin an sasé, la plipar lé inporté dann dot péi.

Mé moin la pa di la pi, pars na ankor domoun na lo pyé, é dann la foré., la plipar lé intèrdi de trapé tansyon gard forèstyé.

a suiv .... GEORGES SOUBOU