dimanche 24 octobre 2010

Ansètr lav vésèl.

Lansètr le lave vésèl.

Konm zot i wa bann granmoun lontan la biyn kontribyé o dévlopman, po la modèrnité.

Sa so masine si foto akoté , bann madam té ansèv po zot lav vésèl. a biyn rogardé lé kaziman inn dé promyé sof-o.

Dann lo trou anlèr ( cheminé) banna té mèt sarbon é tout otour lo séminé navé in serpantin an kwiv po résof dolo té lintèryèr, é minm in soupap se sékirité.

L' ancêtre du lave vaisselle ou premier chauffe eau, au charbon

CD ROM en cours de finalisation.

Georges Soubou

samedi 23 octobre 2010

Bandèz


Objet lontan ile de la Réunion.

Biensouvan nou oubli inpé lo patrimoine rénioné, la manyèr viv ké navé nout bann zansyin. E sirtout koman zot té i viv dann tan lontan.

La mi va parl azot du Bandez, .sa té anservi par bann madame, po lave la figir, epila ( mi donn azot dan lord) fé zot toilet intime, lave le pié avan lalé dormir.

Inkièt pa zot té osi ansèrvi dann la zourné. So bandèz la lé in nafèr kan domoun i koz desi sé plito po rabésé in moun (kozman i fé mal) Gramoune i dizé et i di souvan : Konm travay li lé lévèr bandèz, ou alor i di la pr travay lékol li sra lévèr bandèz. Lo lévèr bandèz sé in moune lé la po nétoiyé sak lo patron(e) kan li la fini lav a ali, ou alor sé in moune i travay kaz an kaz. Konm i di, é mi di osi toute métié i nouri son mètr, é napwin de so métié.
dann tan lontan isi dann nout péi é ansèrv so linstriman la, an fèytol. Fodir osi ké koméla sanm lo plastik, na domoun i i ansèrv touzour mé i itiliz pi lo mo BANDEZ.

Georges Soubou

dimanche 3 octobre 2010

EREUNION :Ayapana

Ayapana, yapana!

Arla in plant té, é lé ankor itilizé dann nout péi. Kan mi di itilizé, sé plito bann zansyin lé abityé sanm zerbaz, i ansèr, sa lé bon po tout sort kalité la maladi, kiswa po la fièvr, po la grip et otr soz mi anpas.
Lé in pé domanz nou zénès i fé pa tro in kont ansanm. Swa la pa apri azot, ou défwa la per i koné pa sèrvi osi, antouléka dann lo CDRom mwin lé antrinn de fer na koz inpé si bann plant là.



Georges Soubou