Partenaires politiques ??? Dalonaz, politikaz!!

Politique à la Réunion? politikèr zouèr ti kaz!??

La politik dann péi la lé tré intérésan, par rapor bann péy zéropéin é minm dot nasyon, isi sépa si fo krwa ankor kan banna i koz?

Nou romark ké na in promyé tour é in dézyinm lé normal ziska la! Lo bann konba zonm èk fanm ifé la politik lé o minm domi dézané, giny la plas giny larzan, é anvoy zot bann zéléktèr syé. Mé dann tout péi sakinn, sak parti i sobat po son parti. Isi eské na ankor parti politik, pars dopilèr, na in takon i koné pa kan zot K... lé plin, in kou lé a drwat in kou lé a gos é in not kou lé o milyé. Isi i koné riynk fé kamarad dot parti, ét donn la voi a zot ladvèrsèr.

Kan nou wa dann sèrtin rényon i fé la i kraz, i trèt tout sort kalité lo non, mé aprè lo né lé bouré (dann K) ansanm, sé a krwa ké zot la swaf pouwar, giny larzan é anvoy bann domoun syé.

La politik isi lé konm Kanal sanm Parabol, banna i rodifiz aou zot program konm an boukl, prann aou po in kouyon. Si ou la krévé so sora out bann zanfan wa prann la rolèv. Mé malérèzman koméla po zot lé difisil donn tol sanm siman ou taz la gèl, sanm bouraz lo krane. Epila nout bann marmay i lèv lé pa kouyon.... Tro kozé la pa bon la swit apré...

Georges Soubou

Kanal, sanm Parabol io mars pi!!!

Sosyété konsomasyon,

Tolèr!!!! kanal sanm parabol i mars pi, mondyé sinyèr, domoun i plèr, mé in soz lé sir zot sar pa ranboursé, dan listwar zot i pèrd arpa riyn, vik é lo bann program i sanz pa, trakas pa. Tout fason dopi lontan fini di azot ké lo bann satélit lé vyé, in zour i riskab kas kolé.

Trakas pa malgré sa wa touzour kok zot ti moné, domin si pé a Dyé bann fèyton a lodroz i frol minm bann fim éroktik , sora rodifizé, é bann sak zot la fine vi sar tou zour la. Ofèt konm zot i koné bann sak lé nouvo la i donn osi lo minm sinn mwin sèr,sanm ankor pli fay kalité.

Dopi touzour bann sosyété la i prann domoun po kouyon, é anplis krwa mwin zot na formasyon po zot komèrsyal, dapré sèrtin sanm la M... banna i donn aou HD, bon nana i krwa ankor kosa ou vé!

Georges Soubou.

Landormi. caméléon.

Kamaléon, Landormi caméléon?

Zimaz po louké, landormi, so léspès ké lé protézé dann Larényon, la i paré ké sak lé oranz sé lo fémèl é lo vèr sé lo mal, la ankor fo vérifyé. Sa sé bann zafèr lé zoli a rogardé, mé pa po mèt an kaz.

Georges Soubou.

Radio Sky Réunion.

Koman ilé?

Zis po anons azot ké kréoler i bouz in bout si Radio Sky, so samdi 30 zanviyé 8 èr 11 èr,. La so samdi inndé morso sra po zot, é apréla sora bann zémisyon, na sèy fé pèt in bout nout zarlor rénioné, é mi èspèr touv azot po so randévou touzour si SKY 1 fwa par mwa lo mèrkrédi. zot sra la, mi rapèl a zot ké Sky Radio i émé si tout lil, po lo moman lo frékans dann lo sid Larényon 92.30 mhz.

Je vous retrouve sur Radio SKY REUNION le samedi. et une fois par mois à bientôt pour nôtre culture.

Georges Soubou

Lo nimérik èk SARKOZY!

Ankourazman SARKOZY!

Lo vizit Nicolas Sarkozy prézidan la répiblik la soulèv in takon polémik, sirtou dann pèryod zéléksyon, bref... falé atann, navé po tout domoun sak té pour é sak té kont! Antouléka na in takon promès té fé konm dabitid é la konm toultan po èt tenu sra la lo vré problinm.

Si lo takon pwin na inn lé asé intérésan sé lo nimérik, lo prézidan lé dakor po èd bann zantropriz i sava invèsti dann lo nimérik, na in takon boug politik fine koz ladsi, é lo solisyon la zamé été trouvé, lo nimérik lé sèr malgré bann zèd léta é lo défigiraz nout péizay.

Alor ké bann péi déor lé a 100 méga, i si nou rame po awar seres 3giga, touzour antrinn taz anou la gèl sanm bann débit lé pa kapab zéré é mantèr, lo fibr optik, la plipar lotan an coaxial, lo mové kalité bann lign téléfon, tazaz la gèl bann nouvo provider, é sak lé la osi dopi lontan. Touzour vann bann klian nafèr lé pa posib awar, apréla i trouv pi azot.

Ské kréolèr i di fodré in zour sa i arèt si inn ti sirfas konmsala i ariv pa donn in sèrvis ké dann péi pa dévlopé bann lé kapab. ské mi di malgré bann zèt lo gran anprin, sé pa nou i sava anprofité, mé byin bann zantropriz i sort andéor, é bann gro kapitalis nana isi. Tout fason larzan i sava touzour déor, sanm tousa larzan i rant dann lo péi, nou lé ankor po domann souplé.

Georges Soubou

Soubou.fr

Kosa ilé?

Soubou.fr i fé parti lo rézo kiltirel, soubou, kreoler, é E reunion.fr, in kanal po la promosyon nout péi dann lo monn , é sa sanm bann zimaz, klip vidéo. Lobzéktif po so lané sé mèt ankor inpé plis bann dokiman, po fé anprofit in maksimom. nout kiltir.

Georges Soubou

Tolèr zéléksyon i ariv lo 14 mars ek 21!

14 èk 21 mars zélèksyon Larényon!

Konm i di i fo pas parla zéléksyon i ariv dann nout péi, sakinn i ariv sanm zot bann program konm dabitid èk in takon promès. Promès! a bin sak fwa sa i mank pa, nou koné sa sé in navèr konm komès fo byin vann, mé apré po lo sèrvis aprévant la fo war.

Sitan kalité la fini promèt anou é la zamévi lo zour, nou koné pi kosa i fo fé, sak fwa wa taz anou, po sèy giny la wa, é si zamé la ginyé po èt sir i wa arpi zot ziska lo prosinn. Larényon na somaz? wi lé vré, na travayèr wi, na volèr wi in bonpé, larivst, véyèr kok, tazèr lagèl tousa nou nana èk dot non mi sit arpa, é dot non fodré invanté. Po ké nout péi i avans, fodré bann politikèr la i di anou la vérité, é pa promèt sak zot i giny arpa doné.

Promèt lé byin, mé fo pa oubliyé ké sak zot i promé sé ko konté si lo gouvèrnman, é la kan i fé promès si lo gouvèrnman i donn pa, konm dabitid zot wa trouv touzour in krak. Mwin la touzour koni la politik sé in métyé i giny larzan é po sa i fo awar la lang fourchuuuuu. Tout sak i fé promès zot i koné byin i giny arpa tyinbo, mé lésansyèl sé sak i rant dann zot pos.

Epila zélèksyon po sèrtin sé in swa de pouvwar, lo san komandèr i koul dann vinn sèrtin, lo zinn lé laminm konm po la maladi é sa i géri pa. La po lo zélèksyon i ariv sé lo minm program po sakinn mé rovizité a la sos nouvèl zénérasyon, gro zétid, nouvo mo, rokritaz nouvo pizon po zwé lo rol.

Antouléka dann tout so bann tazèr la gèl, ni èpèr omwin inn nora lo kouraz di ké la vi i sava nir ankor pli difisil, sirtou par lé tan ki kour : Ogmantasyon to somaz, masakr la planèt wa kontinyé, la popilayson domoun i ogmant dann nout péi ou sa i sava mèt, plantasyon i pèrd térin o profi bann zazans imobilyé, ankor plis loto, la po sité zis saminm, é na ankor po arivé.

Plis i va nout péi i sava an sarèt saviré, é lop bato trann kapoté po asèvé sak i prann azot po dyé, oubli pa zot i riskab rotrouv azot an anfèr, tro kozé la pa bon mé kan fo di i fo di! Na koz inpé plis prosinn fwa.

Georges Soubou.

Kreoler Radio

Dalon, kamarad!

Mi anons azot louvèrtir ofisyèl lantène kreoler Radio, dopi inn ti bout lotan nou té antrinn travay desi zordi la vi lo zour, dann in promyé tan nou wa difiz inpé tout solman sak nana isi Larényon. Kreoler Radio sé in sinn kiltikèl po nout péi. Biynsir nora bann partenaria, mé touzour dann lo kadr kiltirèl. Po linstan plito antr 18 et minwi nou difiz, po progrésé ofir amézir. Nout lozysyèl difizyon lé touzour an rodaz é bann go amélyorasyon lé a vnir. Po ékouté alé si Kreoler.free.fr ou si lo sit ofisyèl la radyo kreoler.e-reunion.fr bon lékout azot mi tyin azot o kouran lévolisyon. Si youtube oubli pa louk in zyé si kreoler TV.

Georges Soubou.

Anthurium Ile de la Réunion.

Bann Anthurium sé in kalité bann plant i fé parti la fami bann Araceae antr 600 à pli 800 kalité, minm plis de 1000 zéspès. Sé in kalité plis inportan é pli konpliké dann so fami é sak lané na nouvo zèspès i énèt.

L'anthurium lé osi in plant i dépolu, li lé gayar po élimine lamoniak , mé inpé mwin ké lo xylene.

Plante issue de clonage, réalisé à la Réunion par l' entreprise Multiflora. ( image sur cette page)

Anthurium flowers, anthuriums fleurs.

Clonage de fleurs!

Inn ti paz po zot louké in lantropriz i fé bann klone sanm anthurium. A regarder la page d' anthuriums clonés page dans l' annuaire de EREUNION. Koonm zot i wa na osi bann zantropriz lé kapab, é na in sawar fèr. Mi invit azot de louk in zyé. Clonages de plusieurs variétés site réservé aux professionnels. Nou invit azot biyn sir a vizit nout bann rézo si lo web. Dernyé sit an kour GEORGES FORMATIONS.

Georges Soubou.